Pasaxon – 17-09-2012
ກະຊວງພາຍໃນ ເລກທີ 02/ພນ
ນະຄອນຫລວງວຽງຈັນ, ວັນທີ 27/8/2012
ຄຳແນະນໍາການຈັດຕັ້ງປະຕິບັດ
ຂໍ້ຕົກລົງເລກທີ 96/ນຍ ລົງວັນທີ 22 ສິຫາ 2012
ວ່າດ້ວຍການອະນຸມັດຕົວເລກລັດຖະກອນໃໝ່ ສົກປີ 2012-2013
ເຖິງ: ກະຊວງ, ອົງການທຽບເທົ່າກະຊວງ, ອົງການຈັດຕັ້ງຂັ້ນສູນກາງ, ແຂວງ ແລະ ນະຄອນຫລວງ.
ເລື່ອງ: ການບັນຈຸຕົວເລກລັດຖະກອນໃຫມ່ສົກງົບປະມານ 2012 – 2013.
- ອີງຕາມດຳລັດຂອງນາຍົກລັດຖະມົນຕີ, ສະບັບເລກທີ 82/ນຍ, ວ່າດ້ວຍລະບຽບລັດຖະກອນແຫ່ງ ສປປ ລາວ;
- ອີງຕາມຂໍ້ຕົກລົງຂອງນາຍົກລັດຖະມົນຕີ, ສະບັບເລກທີ 96/ນຍ, ລົງວັນທີ 22 ສິງຫາ 2012 ວ່າດ້ວຍການອະນຸມັດຈຳນວນຕົວເລກລັດຖະກອນໃຫມ່
ສົກງົບປະມານ 2012- 2013. ກະຊວງພາຍໃນຂໍຖືເປັນກຽດຮຽນມາຍັງທ່ານຊາບວ່າ: ໃນສົກປີ 2012 – 2013 ລັດຖະບານໄດ້ຕົກລົງແຜນສຳຄັນຫລາຍດ້ານ
ທີ່ພົວພັນເຖິງການນຳໃຊ້ງົບປະມານຢ່າງຫລວງຫລາຍເປັນຕົ້ນແມ່ນການປັບປຸງ ແລະ ຍົກລະດັບເງິນເດືອນ, ເງິນອຸດຫນູນຕ່າງໆຕໍ່ພະນັກງານ – ລັດຖະກອນ
ແລະ ລັດຖະກອນຄູ; ນະໂຍບາຍຕໍ່ພະນັກງານທີ່ເຮັດວຽກຢູ່ເຂດຫ່າງໄກສອກຫລີກ ແລະ ດຳເນີນການທົດລອງປະຕິບັດນະໂຍບາຍ 3 ສ້າງ. ດັ່ງນັ້ນ, ຈຳນວນ
ລັດຖະກອນໃຫມ່ທີ່ອະນຸມັດໃນສົກງົບປະມານນີ້ຈິ່ງມີຈຳນວນຫຼຸດລົງ, ແຕ່ຈະໄດ້ສຸມໃສ່ເປົ້າໝາຍບູລິມະສິດຄືບັນດາເມືອງທົດລອງ (51 ເມືອງ) ສິ່ງສຳຄັນແມ່ນ
ໃຫ້ບັນດາກະຊວງ-ອົງການຂັ້ນສູນກາງ, ແຂວງ, ເມືອງເລັ່ງໃສ່ປັບປຸງຄຸນນະພາບຂອງການປະຕິບັດງານ. ສະນັ້ນ, ເພື່ອເຮັດໃຫ້ການບັນຈຸລັດຖະກອນໃຫມ່ຈຳ
ນວນ 12.550 ຄົນ (ຫນຶ່ງໝື່ນສອງພັນຫ້າຮ້ອຍຫ້າສິບຄົນ) ທີ່ລັດຖະບານອະນຸມັດໃຫ້ສົກປີ 2012-2013 ຖືກຕ້ອງຕາມລະບຽບ ແລະ ສອດຄ່ອງຕາມທິດຊີ້ນຳ
ຂອງລັດຖະບານ ຈຶ່ງມີຄຳແນະນຳມາຍັງທ່ານບາງດ້ານດັ່ງນີ້:
1. ຫລັກການການແຈກຢາຍ, ເລືອກເຟັ້ນ ແລະ ການຮັບບັນຈຸ.
1). ຕ້ອງປະຕິບັດຕາມຫລັກການລວມສູນປະຊາທິປະໄຕ, ປຶກສາຫາລືຕົກລົງເປັນຫມູ່ຄະນະ ແລະ ຮັບປະກັນຄວາມເປັນເອກະພາບ.
2). ປະຕິບັດຕາມຫລັກການສະເຫມີພາບ, ເປີດເຜີຍ, ພາວະວິໄສ ແລະ ເປັນທຳບົນພື້ນຖານຄວາມຮູ້, ຄວາມສາມາດ ແລະ ມາດຕະຖານຕຳແຫນ່ງງານ
ຫວ່າງ.
3). ຮັບປະກັນສະຖຽນລະພາບຂອງການຈັດຕັ້ງ, ມີລັກສະນະສືບທອດຕໍ່ເນື່ອງ ແລະ ຂະຫຍາຍຕົວຂອງລັດຖະກອນ, ເຮັດໃຫ້ການຈັດຕັ້ງປອດໃສເຂັ້ມແຂງ
ແລະ ເຄື່ອນໄຫວຢ່າງມີປະສິດທິຜົນ.
2. ການສ້າງແຜນແຈກຢາຍ, ຄັດເລືອກຈຳນວນລັດຖະກອນໃຫມ່ (ໂກຕ້າ).
ພາຍຫລັງບັນດາກະຊວງ, ອົງການຈັດຕັ້ງຂັ້ນສູນກາງ ແລະ ທ້ອງຖິ່ນໄດ້ຮັບຂໍ້ຕົກລົງສະບັບເລກທີ 96/ນຍ, ລົງວັນທີ 22 ສິງຫາ 2012 ວ່າດ້ວຍການອະນຸ
ມັດຈຳນວນຕົວເລກລັດຖະກອນໃຫມ່ສົກງົບປະມານ 2012-2013 ແລະ ຄຳແນະນຳສະບັບນີ້ແລ້ວໃຫ້ບັນດາກະຊວງ-ອົງການ ຂັ້ນສູນກາງ ແລະ ທ້ອງຖິ່ນເອົາ
ໃຈໃສ່ບາງດ້ານດັ່ງນີ້:
ກ. ການບັນຈຸລັດຖະກອນໃຫມ່ຢູ່ຂັ້ນສູນກາງ ແລະ ຂະແໜງການຢູ່ທ້ອງຖິ່ນ.
1). ການນຳຂອງແຕ່ລະກະຊວງ – ອົງການຂັ້ນສູນກາງເປັນເຈົ້າການໃນການວາງແຜນແຈກຢາຍ, ເລືອກເຟັ້ນ, ສອບເສັງຄັດເລືອກ ແລະ ການບັນຈຸລັດຖະ
ກອນໃຫມ່ໃນການຈັດຕັ້ງທີ່ຂຶ້ບກັບຄວາມຮັບຜິດຊອບຂອງຕົນຕາມລະບຽບການ.
2). ສິບຫ້າກະຊວງທີ່ຢູ່ໃນເປົ້າຫມາຍທົດລອງກຳນົດແຜນແຈກຢາຍຈຳນວນລັດຖະກອນໃຫມ່ ໃຫ້ບັນດາພະແນກການຂັ້ນແຂວງ, ເມືອງ ທີ່ບໍ່ນອນໃນເປົ້າຫມາຍ
ແລະ ເມືອງທີ່ເປັນເປົ້າຫມາຍຕາມຂະແໜງການຂອງຕົນ ແລະ ມອບຄວາມຮັບຜິດຊອບໂດຍກົງໃຫ້ອົງການປົກຄອງແຂວງ, ນະຄອນຫລວງວຽງຈັນ, ອົງການປົກ
ຄອງເມືອງເປັນເຈົ້າການໃນການເລືອກເຟັ້ນ, ສອບເສັງຄັດເລືອກ ແລະ ການບັນຈຸສ່ວນບັນດາກະຊວງທີ່ກ່ຽວຂ້ອງເປັນຜູ້ຊຸກຍູ້, ຕິດຕາມ ແລະ ກວດກາການບັນ
ຈຸຕາມຕຳແໜ່ງງານຂອງກະຊວງວາງອອກ.
3). ອົງການປົກຄອງແຂວງ ແລະ ນະຄອນຫລວງວຽງຈັນສ້າງແຜນແຈກຢາຍຕາມຈຳນວນລັດຖະກອນໃຫມ່ ທີ່ກະຊວງກ່ຽວຂ້ອງກຳນົດໃຫ້ບັນດາຂະແໜງການ
ອ້ອມຂ້າງແຂວງພ້ອມທັງຕິດຕາມກວດກາການເລືອກເຟັ້ນ, ສອບເສັງຄັດເລືອກ ແລະ ການບັນຈຸ.
4). ອົງການປົກຄອງແຂວງ ແລະ ນະຄອນຫລວງວຽງຈັນສ້າງແຜນແຈກຢາຍຕາມຈຳນວນລັດຖະກອນໃຫມ່ທີ່ກະຊວງກ່ຽວຂ້ອງກຳນົດໃຫ້ບັນດາຫ້ອງການເມືອງ
ທີ່ເປັນເປົ້າຫມາຍ, ພ້ອມທັງເອົາໃຈໃສ່ການຕິດຕາມ ແລະ ກວດກາ, ສ່ວນອົງການປົກຄອງເມືອງເປັນເຈົ້າການໃນການເລືອກເຟັ້ນ,ສອບເສັງຄັດເລືອກ ແລະການ
ບັນຈຸ.
5). ການແຈກຢາຍຈຳນວນລັດຖະກອນໃຫມ່ກຳນົດບຸລິມະສິດໃຫ້ຫ້ອງການຂັ້ນເມືອງເປົ້າຫມາຍທົດລອງ 3 ສ້າງ 51 ເມືອງ, ຈຳນວນ 5 ຄົນຕໍ່ຫນຶ່ງຫ້ອງການ
ສາຍຕັ້ງ.
6). ຜົນຂອງການບັນຈຸລັດຖະກອນໃຫມ່ຕາມຂະແໜງການຢູ່ບັນດາເມືອງ, ແຂວງ, ນະຄອນຫລວງວຽງຈັນຕ້ອງໄດ້ຮັບການຢັ້ງຢືນຈາກອົງການປົກຄອງຂັ້ນແຂວງ,
ກະຊວງກ່ຽວຂ້ອງ ແລະ ກະຊວງພາຍໃນດັ່ງທີ່ເຄີຍປະຕິບັດຜ່ານມາ.
ຂ. ການບັນຈຸລັດຖະກອນໃຫມ່ຢູ່ອົງການຊ່ວຍວຽກຢູ່ທ້ອງຖິ່ນ.
1). ອົງການປົກຄອງຂັ້ນແຂວງເປັນເຈົ້າການໃນການວາງແຜນແຈກຢາຍ, ເລືອກເຟັ້ນ, ສອບເສັງຄັດເລືອກ ແລະ ການບັນຈຸຢູ່ອົງການຊ່ວຍວຽກຂັ້ນແຂວງຕາມ
ລະບຽບການ.
2). ອົງການປົກຄອງແຂວງ ແລະ ນະຄອນຫລວງວຽງຈັນສ້າງແຜນແຈກຢາຍຈຳນວນລັດຖະກອນໃຫມ່ທີ່ໄດ້ຮັບອະນຸມັດໃຫ້ບັນດາຫ້ອງການຊ່ວຍວຽກຂັ້ນເມືອງ,
ພ້ອມທັງຊຸກຍູ້, ຕິດຕາມ ແລະ ກວດກາ, ສ່ວນອົງການປົກຄອງເມືອງເປັນເຈົ້າການເລືອກເຟັ້ນ, ສອບເສັງຄັດເລືອກ ແລະ ບັນຈຸ.
3). ການແຈກຢາຍຈຳນວນລັດຖະກອນໃຫມ່ໃຫ້ກຳນົດບຸລິມະສິດຫ້ອງການຂັ້ນເມືອງເປົ້າຫມາຍທົດລອງ 3 ສ້າງ 51 ເມືອງ, ຈຳນວນ 2 ຄົນຕໍ່ຫນຶ່ງຫ້ອງການ
ຊ່ວຍວຽກຂັ້ນເມືອງ.
4). ຜົນການບັນຈຸລັດຖະກອນໃໝ່ຂອງອົງການຊ່ວຍວຽກຂັ້ນແຂວງ ແລະ ອົງການຊ່ວຍວຽກຂັ້ນເມືອງ, ຕ້ອງໄດ້ຮັບການຢັ້ງຢືນຈາກອົງການປົກຄອງແຂວງ, ນະ
ຄອນຫລວງວຽງຈັນ ແລະ ກະຊວງພາຍໃນເຫມືອນດັ່ງເຄີຍປະຕິບັດຜ່ານມາ.
3. ການຄັດເລືອກ ແລະ ບັນຈຸລັດຖະກອນໃຫມ່.
1). ກ່ອນຈະບັນຈຸລັດຖະກອນໃຫມ່ຕ້ອງໄດ້ອີງໃສ່ຕຳແຫນ່ງງານ ຫລື ຄວາມຮຽກຮ້ອງຕ້ອງການຕົວຈິງຂອງວຽກງານ ແຕ່ລະການຈັດຕັ້ງ, ຄັດເລືອກໃຫ້ໄດ້ຜູ້ທີ່ມີ
ຄວາມຮູ້, ຄຸນສົມບັດດີ, ມີລະດັບວິຊາສະເພາະທີ່ເຫມາະສົມກັບຕຳແຫນ່ງງານ.
2). ບ່ອນທີ່ມີເງື່ອນໄຂ ແລະ ຂໍ້ສະດວກການຄັດເລືອກຕ້ອງຜ່ານຂະບວນການສອບເສັງ ແລະ ຜູ້ສອບເສັງມີເງື່ອນໄຂຄົບຖ້ວນຈຶ່ງບັນຈຸເຂົ້າເປັນລັດຖະກອນຕາມ
ລະບຽບການ; ສຳລັບບ່ອນທີ່ມີຄວາມຕ້ອງການບັນຈຸລັດຖະກອນໃຫມ່ຢູ່ເຂດຫ່າງໄກສອກຫລີກທຸລະກັນດານອາດຈະໃຊ້ວິທີຄັດເລືອກ ແຕ່ຕ້ອງອີງໃສ່ຜູ້ທີ່ມີເງື່ອນໄຂ
ເຫມາະສົມກັບຄວາມຮຽກຮ້ອງຕ້ອງການຂອງຫນ້າທີ່ວຽກງານ.
3). ການຮັບບັນຈຸໃຫ້ເອົາໃຈໃສ່ພະນັກງານຕາມສັນຍາຂອງລັດຖະບານທີ່ຍັງຄົງຄ້າງໃນນັ້ນຕ້ອງມີການປະເມີນ, ຕີລາຄາພະນັກງານດັ່ງກ່າວໃຫ້ບຸລິມະສິດ ແລະ
ບັນຈຸເອົາຜູ້ທີ່ມີຄຸນນະພາບ ຫລືມີຄວາມຫ້າວຫັນ, ການຈັດຕັ້ງຕ້ອງການ. ສ່ວນຜູ້ທີ່ຂາດຄວາມຫ້າວຫັນ, ເງື່ອນໄຂບໍ່ເຫມາະສົມກັບຕຳແຫນ່ງງານ, ການຈັດຕັ້ງບໍ່ຕ້ອງ
ການສືບຕໍ່ໃຫ້ເປັນພະນັກງານຕາມສັນຍາກໍ່ໃຫ້ຍົກເລີກການເປັນພະນັກງານຕາມສັນຍາຕໍ່ໄປ. ເມື່ອຮັບເອົາພະນັກງານຕາມສັນຍາດັ່ງກ່າວເຂົ້າເປັນລັດຖະກອນແລ້ວບໍ່
ໃຫ້ເອົາຜູ້ອື່ນມາທົດແທນ.
4). ຜູ້ທີ່ຍົກຍ້າຍຈາກກະຊວງປ້ອງກັນປະເທດ, ກະຊວງປ້ອງກັນຄວາມສະຫງົບ ແລະ ລັດວິສາຫະກິດໃຫ້ບັນຈຸຕາມຕົວເລກລັດຖະກອນໃຫມ່ທີ່ກຳນົດໃຫ້.
5). ຈຳນວນທີ່ຮັບບັນຈຸເຂົ້າເປັນລັດຖະກອນໃຫມ່ອາຍຸກະສຽນຕ້ອງບໍ່ເກີນ 35 ປີຕາມລະບຽບຄຸ້ມຄອງລັດຖະກອນ.
4. ການຈັດຕັ້ງປະຕິບັດ.
1). ການນຳຂອງບັນດາກະຊວງ – ອົງການຂັ້ນສູນກາງ ແລະ ທ້ອງຸຖິ່ນຖືເອົາວຽກງານສ້າງແຜນແຈກຢາຍ, ຄັດເລືອກ ແລະ ບັນຈຸລັດຖະກອນໃຫມ່ ໃນສົກປີ
2012-2013 ນີ້ເປັນວຽກບຸລິມະສິດຫນຶ່ງທີ່ສຳຄັນ ແລະ ຊີ້ນຳນຳພາພາກສ່ວນທີ່ເປັນເສນາທິການປະຕິບັດໃຫ້ຖືກຕ້ອງຕາມລະບຽບການ.
2). ຈຳນວນລັດຖະກອນໃຫມ່ທີ່ປະກອບໃຫ້ເມືອງທົດລອງ (51 ເມືອງ) ໃຫ້ບັນດາກະຊວງ, ບັນດາແຂວງ ແລະ ນະຄອນຫລວງຮີບຮ້ອນຂຶ້ນແຜນແຈກຢາຍ, ຄັດ
ເລືອກ ແລະ ບັນຈຸເຂົ້າໃຫ້ທັນວັນທີ 1 ຕຸລາ 2012, ນອກນັ້ນໃຫ້ບັນຈຸເຂົ້າຕາມງວດຕາມລະບຽບການ.
3). ໃຫ້ບັນດາກະຊວງ, ອົງການຂັ້ນສູນກາງ ແລະ ທ້ອງຖິ່ນສັງລວມແຜນແຈກຢາຍລັດຖະກອນໃຫມ່ຕາມຂໍ້ຕົກລົງ ເລກທີ 96/ນຍ, ລົງວັນທີ 22 ສິງຫາ 2012
ວ່າດ້ວຍການອະນຸມັດຈຳນວນຕົວເລກລັດຖະກອນໃຫມ່ສົກງົບປະມານ 2012-2013 ແລະ ຕາມຄຳແນະນຳສະບັບນີ້ແລ້ວລາຍງານໃຫ້ກະຊວງພາຍໃນກ່ອນວັນທີ 20
ກັນຍາ 2012.
4). ຜ່ານການຈັດຕັ້ງປະຕິບັດຕົວຈິງຫາກພົບຄວາມຫຍຸ້ງຍາກ ຫລື ມີບັນຫາໃດບໍ່ແຈ້ງກໍ່ໃຫ້ລາຍງານຂໍຄຳເຫັນຕາມການຈັດຕັ້ງ ແລະ ກະຊວງພາຍໃນໃຫ້ທັນເວລາ.
